今年快要完結了

我不想明年來臨

因為我不知道明年會發生甚麼事

可能會天翻地覆

今年已經翻轉翻轉再翻轉過

我想不到可以怎樣過以後的日子

我禱告

無論發生甚麼事，我都能有力量走過

今天很難過，幾秒鐘的難過

我正處於

世界最遙遠的一種相距中

容祖兒的舊歌，十首有八首都好啱我宜家的心情

問你死未

可能因為休息不夠，還有吃少了藥

身體很累，心情不好

該是時候胡思亂想一下了

心裡那條疤痕隱隱的作痛

好像風濕痛一樣，得閒就痛

有時我想，這樣子的痛可能會一輩子跟著我

我一定要趁早習慣

一個人走在夜裡的街道上，自己一個人說話， 一個人笑，一個人哭

流多少眼流都沒有人知

感覺，其實也很不錯

我阿頭成日話

一個女人，最緊要的就係佢個男人唔好變心

佢下年年頭就唔撈啦

話要照顧屋企，照顧老公

不過一切的重點是，佢有老公養，問題只是得一個人賺錢，可以花的錢就相對少了

女人，泊到個好碼頭，就可以享受這些奢侈的福利

諗諗下，駛乜做野做得咁辛苦丫，認認真真找個好歸宿，才是真正回報高的投資 

或者，女人搵到個好男人，沒有大志都是應分的

算啦，講到底我都係聽日唔想返工姐

我係個海度飄緊，唔好話搵到個碼頭，連個岸係邊都唔知

我要keep 住自己d 大志

明天要繼續努力

今天放假，但係 

阿頭打電話來，說老闆complain，我lai哂野

佢supervise 我，言下之意係，我都搞到佢lai 哂野

我唔識做人唔識講野，俾老闆以為我辦事不力，但其實我又已經花了九牛二虎之力去做野

只係，唔識就係唔識，我唔係expert 功力就一定爭啲

我唔識做之餘，又唔曉得展示自己的努力

我阿頭成日都話我，工作除左係自己呢埋做之外，仲要做出面俾人睇

係呢方面，坐我後面的舊同事係專家

好一天的假期，美好的心情就這樣告吹

阿頭雖然唔gur，但佢無鬧我，佢講野好顧下屬的感受，呢樣野好似大部份大粒人都唔會有

所以我好欣賞佢 

好，今晚早點睡，明天清早有排做

但 我 是 困 苦 窮 乏 的 ； 　 神 啊 ， 求 你 速 速 到 我 這 裡 來 ！ 你 是 幫 助 我 的 ， 搭 救 我 的 。 耶 和 華 啊 ， 求 你 不 要 耽 延 ！

日子如何，力量也必如何

一天的難處，一天當就夠了

拿著匯豐的戶口簿到恒生櫃台過數

比到麥當奴問有無得賣家鄉雞

樣衰十倍

今天，我做到了

卻因工作而弄得右肩酸痛

真的很痛，有時連晚上都不能好好入睡

我明明只有廿來歲，卻已痛成這個樣子

仲有幾十年，點捱？

不喜歡連續工作十二小時

不喜歡只有自己一個人坐在office  OT

不喜歡硬食我完全摸不著頭腦的工作

不喜歡每次坐火車回家都忍不住哭起來

有時真的很懷疑，是自己變蠢了，還是一直都是蠢人一個

為什麼我好像總是比其他人都忙，由大學開始就是這樣子

記得那時人做thesis我做thesis，我就總是忙得好像快要死一樣

對呀，明明就可以輕鬆點的，雖然我也想不到可以怎樣再輕鬆點

但若然永遠都只有我在忙著的話，可能就是我的問題

也許只是我未能抓著生存的方法

願主加力，因為我連眼淚都無力流了

今天，有位同事說我被人洒

我覺得我出去做野又俾人洒，係公司做野又係俾人洒

點解我唔生高少少，個樣生惡少少，把聲凶多少少

新人一個，最無危害，是個最好的出氣袋

這幾天不但個腦好累，連對腳都好累

因為我除了搵料，睇stat，寫文章，整問卷，仲要好勞動咁整攤位遊戲

所有東西都是一個人搞，一個人分析stat，一個人諗問卷，一個人prepare 同set up 成個booth。話就話係有人幫我，但我d 同事手腳實在太慢，你急佢唔急，d 野唔係我完全唔識或者自己一個做唔到，我都唔會出聲搵人幫

其實我一向都唔覺自己好挑剔，我都好肯定自己對人對事的要求唔高，但我竟然成日都暗暗地不滿我d 同事出ge 貨....阿頭話左幾個人一齊合作做，出咩貨都係幾個人一齊揹。所以我一睇唔過眼我就會花時間改人地d 野，我唔明點解咁核突ge 野其他合作同事會包容到，我寧願自己做多少少都唔想出頹貨。可能就係因為咁，我做埋人地個份，變得好多野做。

其實我唔gur

我唔gur 點解分工唔均勻

我唔gur 點解我成日都要幫人執手尾

我唔gur 點解我要星期六日都係屋企做公司野

我唔gur 點解日日OT咁多都無OT錢

我唔gur 點解我咁努力，過左probation 都無得加人工，舊同事明明話有得加的...

我覺得好唔公平，但今天主日學說到，神讓你在這個崗位工作，就不要懷疑，要順服。若然我相信這是神的安排，我還可以發怨言嗎？難度我認為自己可以挑戰神的意念嗎？

一切埋怨，其實都是出於自高自大

我要學習順服，變成一頭乖乖的羊

明天工作要努力

這陣子常常都感到孤軍作戰，有人願意幫我一下，我就覺得很安慰了

明明就知道自己的事要自己做，明明就知道不應胡亂打擾別人

不過，還是忍不住要拜託人家

眼下事事都不順利，自己轉牛角尖，轉轉下就會哭起來

不過，其實我還是挺幸福的，至少在我快要死的時候，我知道身邊一定會有朋友來救我

就此謝過了

I was hurt

and I am scared

but at this time, I choose not to flight

but fight

Though I am all alone

God will fill me with love, peace and wisdom

Before I can master the true meaning of peace

I should learn to be be gentle to myself

發了個平靜的惡夢

天未光就醒來

心痛的感覺，真實得不能再真實

害怕得差點兒就哭出來

沒有帶工作回家的日子

放假就是放假，休息就是休息

一直也不屑那些差不多每天也睡午覺的人

但原來間中無憂無慮地小睡一下

也是很棒的生活

朋友你好嗎

天氣涼了，要穿多件衣服，尤其是睡覺的時候，記緊要蓋被子，不要著涼

不好病呀，病了的話，就不可以努力讀書，不可以去旅行，不可以好好享受生活

你家人會為你心痛，我都是

找工作那裡好嗎？香港經濟轉差了，現在裁員潮好厲害，金融機構好像都無一幸免。聽說下年fresh graduate 的人工會跌到七千，市況會回到幾年前金融風暴的模樣，好恐怖。個市唔好，可以的話都會選擇進修，可以增強競爭力之餘，又可以避過經濟低迷的劫數。你會繼續讀書嗎？讀書都好呀，個朵勁d 搵工都多選擇d！

不過，不論你讀書還是工作，我都覺得你將來會是個有成就的人

十月是mid term 期，你有mid term 嗎？就算不是很多都要努力！還有你要寄過來的東西應該收到了吧，收到了的話，可能你會變得很忙

忙一點也好呢，要好好珍惜光陰

不要讓時光從手心不知不覺地流走

我再自言自語，都不會有人應我

把心意寫在這裡，好過對著空氣說話

阿頭在假日打來談工作，弄得我不能入睡

整晚的夢都是工作，還有我們在CPU的日子

好像不是CPU，只是穿上CPU校服而已

中學的日子真好

不是無憂無慮，但有你們在身邊的日子，實在好快樂